Subida da luz: é ilegal que che atrasen a factura. RECLAMA

A tarifa eléctrica xa se encareceu en 2013. A Tarifa de Último Recurso (TUR) da luz subiu un 3%. Ademais, entra en vigor a recarga progresiva na factura, de maneira que aos consumidores con potencias contratadas entre 3 e 10 quilowatts -a gran maioría de fogares- que se excedan un 10% do consumo medio mensual cobraráselles entre o 1% e o 8% máis no seu recibo.

Aos consumidores, ademais, estáselles presentando outro problema: hai empresas que están a atrasar a emisión dalgunhas facturas para tentar cobrar aos consumidores e usuarios as novas tarifas. As compañías de electricidade emiten recibos mensuais, bimensuales e mesmo trimestrais, polo que os consumidores que teñan que pagar facturas a partir do pasado 1 de xaneiro, que é cando entrou en vigor a subida, terán que afrontar o aumento deste imposto aínda que o gasto realizouse en meses anteriores.

É ilegal se…

Esta práctica é ilegal se a factura está datada con anterioridade a xaneiro e tamén fose anterior a este mes a data de obrigación de pago que apareza na factura, no contrato ou na normativa do sector eléctrico.

Tamén sería unha práctica fraudulenta, e abusiva, que a empresa modificase a data de inicio da obrigación de pago respecto da que apareza no contrato ou á que habitualmente veña reflectida nas facturas. É dicir: se a vostede cóbranlle o recibo da luz todos os meses, por exemplo, a día 28, sería ilegal que agora llo cobrasen a 1 de xaneiro.

Recomendamos a todos os veciños e veciñas de Culleredo,  revisar as datas de cobro das facturas e presentar as correspondentes reclamacións en caso de detectar prácticas fraudulentas. E se tes dúbidas, acude o Punto de Información do Consumidor do concello, na Costa da Lonxa, ou ponte en contacto con nos a través desta páxina ou no tfno: 981. 654-570

Consellos para mercar xoguetes no Nadal

 A Comisión Europea, a proposta da Federación Europea da Industria do Xoguete (TIE), publicou un documento consensuado coa Organización Europea de Consumidores (BEUC), Toy Traders (Asociación Europea da Distribución de Xoguetes), ANEC (Asociación para a defensa do consumidor en Normativa), ERRT (Asociación da Gran Distribución) e Eurocommerce, con 12 consellos á hora de adquirir un xoguete.

Os xoguetes contribúen de forma esencial ao desenvolvemento do neno. A seguridade do xoguete é unha propiedade crave, e para garantir a mellor experiencia de xogo aos nosos fillos, os consumidores debemos ter en conta a seguinte lista de consellos á hora de elixir un xoguete:

1.Asegúrese de ler toda a etiquetaxe do xoguete.
Teña en conta as recomendacións de seguridade e de idade. Tómeas en serio. Non compre xoguetes que non teñan a marcado CE no xoguete ou na súa embalaxe. A intención do mercado CE non é a de guiar ao consumidor. É unha declaración do fabricante de que o produto cumpre con todos os requisitos de seguridade pertinentes e aplicables da UE, requisitos que se atopan entre os máis estritos do mundo.

2.Elixa o xoguete adecuado para a idade, habilidades e capacidades do neno.
Os xoguetes non destinados a un determinado grupo de idade poden por en risco a seguridade dos nenos. Asegúrese de ler e seguir a recomendación da idade  especialmente o pictograma de 0 a 3 e a frase “non convén para nenos menores de 36 meses”, xunto ao perigo que motiva esta advertencia.  Este símbolo xunto coa frase é unha advertencia e non unha recomendación.

3.Non deixen a nenos menores de 36 meses con xoguetes con partes pequenas.
Estes nenos teñen tendencia a porse os xoguetes na boca e as pezas pequenas presentan risco de asfixia. Asegúrese de que os ollos, nariz ou outras pezas pequenas dos peluches están fortemente fixados.

4.Siga coidadosamente as instrucións de montaxe e de uso do xoguete.
 Garde tanto as instrucións como calquera información útil que se inclúa no xoguete nun lugar seguro.

5.Adquira sempre xoguetes en comercios de confianza.
Os comercios responsables coidan os produtos que venden e xeralmente aceptarán devolucións. Os comercios pouco fiables tenden a ignorar os requisitos de seguridade e poida que tamén ofrezan xoguetes falsificados.

6.Supervise o xogo do neno.
 Asegúrese de todos os xoguetes utilízanse da forma indicada e son adecuados á idade e habilidades do neno. Determinados xoguetes  como patinetes, bicicletas ou patíns  deben utilizarse con equipo de protección.

7 .Examine periodicamente os xoguetes comprobando o desgaste ou partes rotas que poderían causar lesións ou outros riscos para a saúde e a seguridade do neno. Descarte inmediatamente os xoguetes rotos.
 

8. Asegúrese de que os xoguetes destinados aos nenos maiores se manteñen fóra do alcance de nenos menores de 36 meses, xa que poden conter ou xerar pezas pequenas.

9. Descarte e elimine (ou se é posible, recicle) todos os envases, incluíndo as bolsas de plástico, cartón e papel (pero conserve sempre as instrucións). Asegúrese de que os nenos non xogan coas bolsas de plástico xa que podería xerar risco de asfixia. Recicle tamén as pilas e baterías de forma correcta.
 

10.Ensine aos seus fillos a gardar os xoguetes para evitar accidentes.
Non deixe xoguetes nas escaleiras ou no chan en zonas de tránsito da casa.

11.Se descobre un problema de seguridade no xoguete, comuníqueo sempre ao fabricante e ás autoridades públicas.
 Non dubide en consultar a Web do sistema comunitario de alertas (RAPEX) http://ec.europa.eu/rapex. Este sitio proporciona información detallada de produtos perigosos que foron retirados da venda incluíndo xoguetes.

12.Lembre que estes consellos se aplican todo o ano e non só en Nadal.

Para rematar: Non sempre os mellores agasallos son os que aparecen nas campañas publicitarias, nin por suposto, os máis caros tampouco. Nestas datas, suxerimos  aos pais e nais que se inclinen por xoguetes educativos, en lugar de xoguetes con alto contido sexista, discriminatorio ou violento. E importante a reflexión cos pequenos neste tempo: cánto pido? canto necesito?…

RECEITA DE ARROZ CON LEITE…

INGREDIENTES
Para 4/6 persoas:

•     1 litro de leite
•     1 litro mais de leite para ir engadindo
•     3 taciñas de arroz
•     4 culleradas de azucre
•     Cortiza dun limón
•     1 pau de canela
•      2 culleradas  de azucre para facer caramelo e porlle por riba.

PREPARACIÓN:
Ponse nun cazo 1 litro de leite coa cortiza de limón e a canela, así como co azucre, despois dun tempo cocendo e unha vez aromatizado o leite, 10/15 minutos mais ou menos, retiramos do lume e sacamos o limón e canela.

Cando o leite esta tépedo engadímoslle o arroz, limpo de po e/ou impurezas e poñemos a cocer. Tense cocendo  polo menos 1 hora suavemente, e irémoslle engadindo aos poucos parte do litro que temos en reserva ata que o rematemos.

Durante toda a cocción, sen esquecerse, haberá que darlle voltas para que non se nos pegue no fondo e que a tona que se nos forma na superficie se mesture no conxunto

Custe: Moi pouquiño. DEMASIADO BAIXO. A situación é insostíbel e milleiros de explotacións gandeiras de Galiza veranse forzadas ao peche de non variar o escenario actual, marcado polos prezos máis baixos do estado e de Europa.

Lembrade: consumo responsable, tamén é preocuparse polo que comes, de dónde ven,  e cómo se produce.

27 NOVEMBRO: APOIA O SECTOR LEITEIRO GALEGO

REPARTO DE LEITE GRATUITO. Dous litros por persoa máximo, so haberá que levar ou mercar o envase.

• FINCA LATA MESIA: Na Praza Europa do Burgo de 11 a 14 h e de 18 a 22h e na Praza de Lugo no mesmo horario
• GRANXA O CANCELO :no mercado Conchiñas de 9 a 12, en Betanzos de 12-14 e 18/20 e na propia granxa de 16 a 20

AFORRAR EN TEMPOS DE CRISE

PRETO DA “ESTANFLACIÓN”

A Confederación de Consumidores e Usuarios (CECU) indicou que España está cada vez máis preto dunha situación de “estanflación”, ao coincidir unha subida de prezos cunha caída do crecemento.

CECU afirma, nun comunicado, que o “causante evidente” da subida do IPC de setembro é o incremento do IVE, pero tamén outros condicionantes como os carburantes ou a electricidade, que están a contribuír desde principios de ano a que se disparen os prezos, cando cunha “demanda paupérrima”, deberían ser bastante máis baixos.

Por todo iso, CECU pediu solucións inmediatas para paliar a subida de produtos básicos para as familias como a electricidade ou os transportes. Igualmente, a Confederación considera fundamental unha reforma fiscal redistributiva da riqueza e a loita contra a fraude fiscal como fonte de ingresos esenciais para o Estado.

RECLAMACIÓNS DA DEVOLUCIÓN DO IVE REPERCUTIDO Ó 21% SOBRE AQUELES CONSUMOS ANTERIORES ó 1 DE SETEMBRO

A Asociación de Consumidores Accoeticor e o Punto de Información ó consumidor de Culleredo, instan a todos aqueles cidadáns que reciban facturas por consumos de bens e servizos anteriores ao 1 de setembro e aínda así, co IVE repercutido ao novo tipo do 21% (en lugar do 18% vixente até entón), a que reclamen  a devolución das cantidades correspondentes a eses tres puntos porcentuais.

Aqueles consumidores e usuarios que desexen facer efectivos os seus dereitos, só
teñen que presentar fotocopia das facturas en cuestión (xa sexan de telefonía,
luz, auga, gas, Internet, etcétera) e achegalas á reclamación-tipo que lle será
facilitada nas oficinas de Consumo na Costa da Lonxa, ainda que o modelo de folla de reclamacións tamén se pode descargar directamente a través do portal www.accoeticor.org.

Algunhas compañías de servizos comezaron a remitir aos seus clientes os consumos correspondentes ao mes  de agosto facturados a data 1 de setembro e por tanto, co IVE calculado ao 21%. Consumidores Coeticor considera este feito produto dunha mala práctica empresarial e por tanto, obxecto de reclamación.

Mentres algunhas grandes subministradoras  pecharon as súas facturas a 31 de agosto
e aplican o 18%, outras optaron por atrasala ao 1 de setembro ao obxecto de poder
incrementar así tres puntos porcentuais o imposto sobre o valor engadido.

XORNADA INFORMATIVA: HIPOTECAS E DACIÓN EN PAGO

SEMANA DA MOBILIDADE

Dende Culleredo Consumo, facémonos eco do  chamamento feito ós cidadáns  pola Confederación de Consumidores e Usuarios (CECU), para  descubrir formas de transporte alternativas ao vehículo privado durante a ‘Semana da Mobilidade’ promovida pola Comisión Europea en colaboración cos ministerios de Agricultura, Alimentación e Medio Ambiente e que ten lugar entre o 16 e o 22 de setembro

Así mesmo, a entidade insta ós cidadáns a que esixan mellorar as fórmulas de transporte nas súas localidades en aras de fomentar os Plans de Mobilidade Urbana Sustentable (PMUS) que supoñen a inclusión de infraestruturas adecuadas para peóns e ciclistas e a priorización do transporte público para mellorar a calidade de vida nas cidades. Deste xeito, tanto as institucións organizadoras como CECU, buscarán durante esta semana provocar a reflexión dos cidadáns e animar a que se involucren nos plans de mobilidade dos seus municipios.

PARA QUE USAN @S NEN@S AS TABLETS

Xa empeza a ser habitual ver a nenos ou nenas xogando cunha tableta en calquera lugar e momento. A popularización destes dispositivos contribúe a que cada vez sexan máis as familias que contan cun iPad ou cunha tableta con outro sistema operativo como Android.

E a tendencia é que cada vez vaia a máis o seu uso.

Moitos pais e nais están encantados con elas porque supoñen un xoguete moi completo para os nenos de pouca idade. Pode converterse nun piano, un instrumento musical, un crebacabezas, un conto interactivo, un debuxo para colorear, un xogo de computador… O entretemento perfecto se se usa na súa xusta medida. As tabletas axudan porque son interactivas e permítelles xogar con cores, pezas, sons… pero fáltanlles compoñentes esenciais: a tridimensionalidad, o gusto e o cheiro. É por iso que non poden substituír ás experiencias sensoriais de toda a vida. O neno e a nena necesitan seguir xogando con crebacabezas tradicionais, vendo como encaixan as pezas,  e mancharse de pintura

A potencialidade das tabletas reside nas Apps, as aplicacións que descarguemos e instalemos nelas. Algunhas son gratuítas, outras custan unha pequena cantidade, e unhas só existen para o iPad ou só para dispositivos Android, e outras teñen versións para ambas as plataformas.

Premendo AQUÍ, atoparás ligazóns desde onde escoller aplicacións para que os máis pequenos poidan gozar e aprender coas tabletas, lembrando os consellos que antes sinalamos.

Recomendamos visitar a páxina menores en rede, onde a toparás consellos, utilidades, enlaces e todo tipo de información para nais e pais preocupados por una navegación segura na rede, como o texto que hoxe traemos.

O CANON DA AUGA E O COEFICIENTE DE VERTEDURA

O canon da auga e o coeficiente de vertedura son dous novos tributos que foron creados pola Lei 9/2010, do 4 de novembro, de augas de Galicia. Non obstante, o inicio da súa aplicación non tivo lugar ata o 1 de xullo de 2012, momento no que entrou en vigor o Decreto 136/2012, do 31 de maio, polo que se aproba o Regulamento do canon da auga e do coeficiente de vertedura a sistemas públicos de depuración de augas residuais.

Podedes consultar o voso caso en particular premendo AQUI