As etiquetas ecolóxicas identifican e certifican, de forma oficial, que os produtos ou servizos que acompañan son respectuosos co medio ambiente.
As características que deben cumprir os produtos e servizos que teñen a etiqueta ecolóxica baséanse en estudos científicos e no impacto do produto ao longo da súa vida útil. Por isto, téñense presente as materias primas, o consumo de auga e de enerxía, a contaminación da auga, as emisións na atmosfera e a xeración de residuos, entre outros.
O organismo competente para xestionala e outorgala é a administración de cada comunidade autónoma. Con todo, as comunidades poden ter as súas propios distintivos de garantía de calidade ambiental que acompañan esta etiqueta.
Produtos ou servizos que poden ter a etiqueta ecolóxica
- Equipamentos e material de oficina e do fogar: computadores de sobremesa, computadores portátiles, papel para escribir e outros produtos de papel e cartón
- Hixiene e limpeza doméstica: deterxentes para vaixela (a man e a máquina), deterxentes para lavadoras, produtos para a limpeza do fogar en xeral, papel tisú (papel hixiénico, papel de cociña, etc.) e bolsas de lixo
- Electrodomésticos: lavadoras, lavalouzas, frigoríficos, etc
- Produtos téxtiles e calzado: roupa de vestir e para a decoración, colchóns, produtos de coiro e calzado
- Materiais de bricolaxe e xardinaría: pinturas e vernices, iluminación eléctrica, produtos de plástico, cartón, cortiza, etc
- Aceites rexenerados e produtos que se incorporan
- Caldeiras de calefacción e auga quente sanitaria
- Produtos e sistemas de aforro de auga
- Materiais compostos
- Servizos de aloxamento turístico: hoteis, cámpings, instalacións de mocidade e residencias
Recomendacións
- Dar preferencia aos produtos e servizos que teñen o distintivo de garantía de calidade ambiental ou a etiqueta ecolóxica da Unión Europea
- Preguntar ao vendedor ou fabricante por que un produto ou un servizo non leva o distintivo de garantía de calidade ou etiqueta ecolóxica da UE
OMIC CULLEREDO 